2016 йил – Соғлом она ва бола йили

 2016 йил “Соғлом она ва бола йили” деб эълон қилинди

     Ўзбекистон Республикаси Президенти Ислом Каримов мамлакатимиз Конституцияси қабул қилинган куннинг йигирма уч йиллигига бағишланган тантанали йиғилишидаги маърузасида  2016 йилни Соғлом она ва бола йили деб эълон қилди.

     Президент Ислом Каримов таъкидлаганидек: “Маълумки, бу ёруғ оламда ҳаёт бор экан, оила бор. Оила бор экан, фарзанд деб аталмиш бебаҳо неъмат бор. Ҳар кайси онгли инсон жондан азиз фарзандининг бахтини, камолини ўйлаб, ҳамиша эзгу орзу-интилишлар билан яшайди, ўз зурриёдининг ҳар томонлама соғлом ва баркамол бўлишини истайди. Соғлом бола, соғлом авлод орзуси аждодларимиздан бизга ўтиб келаётган, қон-қонимизга сингиб кетган азалий интилишдир. Агар ота-боболаримизнинг турмуш ва тафаккур тарзига назар солсак, улар инсоннинг насл-насабига, етти пуштининг тозалиги, авлоднинг соғлиғига жуда катта эътибор берганини кўрамиз.

    Соғлом бола соғлом ва аҳил оиланинг меваси бўлиб, фақатгина соғлом онадан соғлом бола туғилади. Асрлар давомида ўз тасдиғини топган бу ҳақиқатни тушунтириб, изоҳлаб ўтиришнинг ҳожати йўқ, деб ўйлайман.  Ана шундай муҳим ҳаётий қадриятни жамиятимизда янада чуқур қарор топтириш, соғлом ва баркамол авлодни тарбиялаш борасидаги ишларимизни янада юксак босқичга кўтариш мақсадида мен кириб келаётган янги - 2016-йилни юртимизда Соғлом она ва бола йили, деб эълон қилишни таклиф этаман”.

Ўзбекистон  Республикаси  Президентининг   фармойиши  «Соғлом она ва бола йили» Давлат дастурини ишлаб чиқиш ва амалга оширишнинг ташкилий чора-тадбирлари тўғрисида

Олдинги йилларнинг  номланиши

• «Соғлом она ва бола йили» Давлат дастури тўғрисида
• Аҳмад Фарғоний номидаги Фарғона вилоят АКМда “2016 - Соғлом она ва бола йили” доирасида йил давомида амалга ошириладиган ишлар режаси