Yangiliklar

2016 йил 11 май куни вилоят ахборот-кутубхона маркази ходимлари учун Президент Ислом Каримовнинг “Ўзбекистон мустақилликка эришиш остонасида” китобининг мазмун-моҳиятини ўрганиш мавзусида маънавият соати бўлиб ўтди.

      Тадбирни АКМ умумий ўқув зали сектори мудири С. Каримова олиб борди ва ўз маърузасида, Ўзбекистон Республикаси Президенти Ислом Каримовнинг мамлакатимизнинг ўз давлат мустақиллигини қўлга киритиш арафасида ва ундан кейинги дастлабки ойларда олиб борган жўшқин ва серқирра сиёсий-ижтимоий фаолиятини акс эттирган ушбу китобдан давлатимиз раҳбарининг айни шу мураккаб тарихий даврда сўзлаган маъруза ва нутқлари, суҳбат, мақола ва интервьюлари ўрин олганлигини айтиб ўтди.
    Тўпламга киритилган ҳар бир чиқишни мутолаа қилиш жараёнида биз янги тарихимизнинг ўзимиз билмаган, англамаган яна кўплаб қирраларини янгитдан кашф этамиз, истиқлол моҳиятини, “тарихий бурилиш палласида халқ дарди, миллат қайғуси буюк шахсларни яратиши”ни янада чуқурроқ англаймиз.
    Президент Ислом Каримовнинг халқимизнинг сиёсий тафаккур хазинасига бебаҳо ҳисса бўлиб қўшиладиган “Ўзбекистон мустақилликкка эришиш остонасида”  китоби истиқлол туфайли асл илдизларимизга қайтиб, ўз тақдиримизни ўзимиз белгилаш ҳуқуқига эга бўлганимизни, авлодларга ибрат ва намуна бўладиган буюк ишларни амалга оширганимизни яна бир бор ғурур-ифтихор билан таъкидлашга асос беради, деб ишонамиз.