Navigatsiya
Kutubxonaning ish tartibi:
8:00 dan 18:00 gacha
Manzil:
O‘zbekiston, Farg‘ona sh., Ma’rifat ko‘chasi 31 A

Yangiliklar

« Ортга қайтиш

“Ўзбекистон Республикасида ёшларга оид давлат сиёсатининг мазмун-моҳияти ва бу борада амалга оширилаётган ишлар” мавзусида маънавият соати ўтказилди.  20.07.2016 06:59

2016 йил 20 июль куни вилоят ахборот-кутубхона маркази ходимлари учун “Ўзбекистон Республикасида ёшларга оид давлат сиёсатининг мазмун-моҳияти ва бу борада амалга оширилаётган ишлар” мавзусида маънавият соати ўтказилди.

DSC_0993    Мустақиллигимизнинг илк кунлариданоқ баркамол авлод тарбиясини мамлакат тақдирига дахлдор, энг устувор вазифа сифатида белгилаб берган Президент Ислом­ Каримов бу жараённи: “Бугунги кунда бир оддий ҳақиқат барчамиз учун аён бўлиши керак: олдимизда турган энг эзгу мақсадларимиз – мамлакатимизнинг буюк келажаги ҳам, эртанги кунимиз, эркин ва фаровон ҳаётимиз ҳам, Ўз­бекистоннинг XXI асрда жаҳон ҳамжамиятидан қандай ўрин эгаллаши ҳам – бу­ларнинг барча-барчаси ав­валамбор янги авлод, униб-ўсиб келаётган фарзандлари­миз қандай инсонлар бўлиб вояга етишига боғлиқдир”, — дея баҳолаган эди.

   Ахборот ва кутубхоначилик ҳужжатларини каталоглаштириш ва қайта ишлаш бўлими ходими Н. Кадирова Давлат суверенитетининг дастлабки давридаёқ, яъни 1991 йилнинг 20 ноябрида “Ўзбекистон Республикасида­ ёшларга оид давлат сиёсати­нинг асослари тўғрисида”ги­ Қонуннинг қабул қилингани,­ мамлакат раҳбари томонидан 1993 йил 4 мартда таъсис этил­ган дастлабки орден “Соғ­лом авлод учун” деб номланиши, 1992 йилда ёш­ларнинг ҳуқуқлари бў­йича халқаро ҳуқуқнинг инсонпарвар нормаларини ўзи­да жамлаган “Бола ҳу­қуқ­лари тўғрисида”ги конвенциянинг пар­ламен­тимиз­ томонидан ратификация­ қи­лин­гани ҳам республикада ёш­лар масаласига бўлган эъти­бор даражасини кўрсатишини таъкидлаб, мамлакатимизда ёшларга оид давлат сиёсати миллати,­ ирқи, тили, дини, ижтимоий­ мавқеи, жинси, маълумоти ва сиёсий эътиқодидан қатъий назар, ёшлар тўғриси­да ғамхўрлик қилиш; ёшларни ҳуқуқий ва ижтимоий жиҳатдан ҳимоя қилиш; миллий, маданий анъаналарнинг авлоддан авлодга ўти­ши, авлодларнинг маънавий алоқаси; ёшларнинг ташаббусларини қўллаб-қувватлаш, жамият ривожига, айниқса ёшлар ҳаётига оид дастурларни ишлаб чиқиш ҳамда амалга оширишда ёшларнинг бевосита иштирок этиши; ҳуқуқ ва бурчларнинг, эркинлик ва фуқаролик масъулиятининг бирлиги каби тамойилларга асосланишини айтиб ўтди.