Kutubxonaning ish tartibi:
8:00 dan 18:00 gacha
Manzil:
O‘zbekiston, Farg‘ona sh., Ma’rifat ko‘chasi 31 A

Yangiliklar

« Ортга қайтиш

“Қадри баланд санъаткор” мавзусида ахборот дақиқаси.  10.06.2017 16:53

2017 йил 9 июнь куни умумий ўқув зали секторида Ўзбекистон халқ ёзувчиси Саид Аҳмад таваллудининг 97 йиллигига бағишланган “Қадри баланд санъаткор” мавзусида ахборот дақиқаси бўлиб ўтди.ОЧЗ

Ўзбекистон Қаҳрамони, Ўзбекистон халқ ёзувчиси, Ўзбекистонда хизмат кўрсатган маданият ходими, “Дўстлик” ва  “Буюк хизматлари учун”орденлари соҳиби Саид Аҳмад  1920 йил 10 июнда Тошкент шаҳрида туғилди, Низомий номидаги  Тошкент Давлат педагогика институтини (1938-1941) тамомлади.

Сектор ходими Н.Мадарипова Саид Аҳмаднинг ҳаёти ва ижодий фаолияти, унинг асарлари ҳақида маълумот берди. Китобхонларга АКМ фондидаги  ёзувчининг ижодига мансуб асарларни тавсия қилар экан,  “Фарғона ҳикоялари”, “Чўл бургути”, “Одам ва бўрон”, “Йўқотганларим ва топганларим” асарлари, “Уфқ” трилогияси, “Жимжитлик” романига алоҳида эътибор қаратди. Унинг юмористик маҳорати “Келинлар қўзғолони”, “Фармонбиби аразлади”,  “Куёв” комедияларида ёрқин намоён бўлганлигини, “Келинлар қўзғолони” лирик комедияси дунёнинг 14 мамлакатида муваффақият билан намойиш этилганлигини маълум қилди.

Тадбир сўнггида Н.Мадарипова Саид Аҳмад ўзининг қувноқ ҳикоялари, қизиқарли романлари билан ўз насрининг ривожига катта ҳисса қўшганлигини таъкидлади.