Navigatsiya
Kutubxonaning ish tartibi:
8:00 dan 18:00 gacha
Manzil:
O‘zbekiston, Farg‘ona sh., Ma’rifat ko‘chasi 31 A

Yangiliklar

« Ортга қайтиш

“Тил, маданият, таълим”  27.02.2019 13:13

2019 йил 27 февраль куни хорижий адабиётлар ўқув залида “Тил, маданият, таълим” мавзуси бўйича суҳбат бўлиб ўтди. Хизмат кўрсатиш бўлими мудири Ф. Алмухаметова тадбирни очиб, БМТнинг Бош Ассамблеяси 2019 йилни “Халқаро маҳаллий тиллар” йили деб эълон қилинганлиги ва  ЮНЕСКО фаолияти ҳақида қисқача маълумот берди.

photo_2019-02-27_14-19-11  

ЮНЕСКО - Бирлашган Миллатлар Ташкилотининг таълим, фан ва маданият масалалари бўйича ваколатхонаси бўлиб, асосий вазифаси бу йўналишдаги халқаро ҳамкорлик орқали тинчликни ўрнатишдир. ЮНЕСКО 1073 жаҳон мероси объектларининг хавфсизлигини таъминлайди, барча учун сифатли таълимни таъминлашга интилади.

photo_2019-02-27_14-19-47

Суҳбат давомида тадбир иштирокчиларига ЮНЕСКОга 193 та аъзо давлат, 11 та аъзо бирлашма ва 11 мингта мактаб бирлашмалари мавжудлиги ҳақида маълумот берилди. 
Шунингдек, тадбирга бағишланган “Тил - дўстлик ва ҳамжиҳатликнинг асосидир” номли китоб кўргазмаси ташкил этилиб, унда турли халқлар тиллари ва анъаналари ҳақидаги билимларни кенгайтириш учун китоблар ва журналлар китобхонлар эътиборига тақдим этилди. Кўргазмада араб, болгар, юнон, ирланд, хитой, қозоқ, қирғиз ва тожик тилларидаги китоблар ўрин олди.
Тадбир иштирокчиларида кўргазмада намойиш қилинган 28 тилдан ортиқ чет эл адабиётлари катта қизиқиш уйғотди.

photo_2019-02-27_14-20-06