Yangiliklar

2019 йил 17 июль куни  Аҳмад Фарғоний номидаги вилоят ахборот-кутубхона маркази абонемент сектори томонидан Фарғона тумани Ёшларобод қишлоғида жойлашган “Чақмоқ” болалар дам олиш оромгоҳида кўчма кутубхона ташкил этилди. 
Мазкур кўчма кутубхона болалар учун турли хил мавзулардаги 250 дан ортиқ адабиётлардан иборат бўлиб, болажонлар учун  китоб кўргазмаси ташкил этилди ва ушбу кўргазмадаги адабиётлар шарҳи болалар диққатига ҳавола этилди.
Бундан ташқари болаларнинг ўқишга бўлган қизиқишини орттириш мақсадида, абонемент сектори ходимлари томонидан қизиқарли викторина саволлари ташкил этилди. Викторинада берилган саволлар асосан болалар ёзувчиларининг ёзган асарлари ва қаҳрамонлари ҳақида бўлиб, викторинада фаол қатнашган болажонларга кутубхона томонидан китоблар совға қилинди.
Шунингдек, “Чақмоқ” болалар дам олиш оромгоҳи маъмурияти билан Аҳмад Фарғоний номидаги вилоят ахборот-кутубхона маркази абонемент сектори ўртасида кўчма кутубхона шартномаси тузилди.