Савол: Холам Ўзбекистон Республикаси фуқаролигига эга эмас. 15 йилдан буён шу ерда яшаб ва ишлаб келади. Яшаш гувоҳномасига эга. Бу ерда пенсия олишга ҳақлими?
Жавоб: Ҳа, албатта. Ўзбекистонда доимий яшаб турган чет эл фуқаролари ва фуқаролиги бўлмаган шахслар пенсия олиш ҳуқуқига эгадирлар ("Фуқароларнинг давлат пенсия таъминоти тўғрисида"ги Қонуннинг 1-моддаси). Пенсия тайинланиши учун у қўшимча равишда Ўзбекистон Республикаси ҳудудида доимий яшашини тасдиқловчи истиқомат учун берилган гувоҳномани тақдим этиши керак (252-сон Низомнинг 18-банди).