Ўзбекистон Республикаси давлат мадҳияси қабул қилинганлигининг 27 йиллиги муносабати билан “Давлат мадҳияси – халқимизни бунёдкорлик, эзгулик ва ватанпарварликка чорловчи куч” мавзусида илмий-амалий анжуман бўлиб ўтди.
Анжуман вилояти ҳокимлиги, Фарғона давлат университети, Халқ таълими ходимларини қайта тайёрлаш ва малакасини ошириш ҳудудий маркази, Аҳмад Фарғоний номидаги вилоят ахборот-кутубхона маркази ҳамкорлигида ўтказилди.
Унда профессор-ўқитувчилар, олимлар, ёш тадқиқотчилар ва талабалар иштирок этишди.
Дастлаб Ўзбекистон Республикаси Давлат маҳдиясини барча анжуман иштирокчилари биргаликда ижро этишди.
Анжуманда “Жаҳон мамлакатларида “давлат мадҳияси” тушунчасининг юзага келиш тарихи”, “Миллий ўзлик ва ифтихор тараннуми”, “Ўзбекистон Республикаси давлат рамзларининг ҳуқуқий асоси” каби юртимиз мадҳиясини қубул қилинишига бағишланган маърузалар қилинди.
Шунингдек, “Давлатимиз мадҳияси – қудратли куч” мавзусида китоблар кўргазмаси ташкил этилди.