Атоқли ўзбек ёзувчиси Муса Тошмуҳаммад ўғли Ойбек турфа воқеаларга бой, машаққатли ва айни пайтда ажойиб ҳаёт йўлини босиб ўтган. "Болалик хотираларим" китобида у ана шу йўлнинг 1917 - 1918 йилларга қадар бўлган қисми билан сиз ҳурматли китобхонларни таништиради. Ойбек сингари улуғ алломаларнинг болалик ва ёшлик кезлари уларнинг кўча чангитиб юрган оддий боладан халқнинг мутафаккир сиймоларидан бирига айланиши, айниқса, ёш авлодлар учун ҳамиша мароқли ва ибратлидир.