Yangiliklar

Савол: Уй-жой ва ер участкасига эга бўлган пенсионерлар (муайян кв.м ва сотих доирасида) мол-мулк ва ер солиғини тўлашдан озод этилганлар. Бу имтиёз уларга пенсия ёшига етганларида тақдим этилади.

Мазкур имтиёз қарилик нафақасини оладиганларга нисбатан татбиқ этиладими, ахир улар ҳам пенсия ёшига етган бўладилар-ку?

Жавоб: Афсуски, йўқ. Солиқ кодексида (275, 290-моддалар) "пенсионерлар" ва "ёлғиз пенсионерлар" деган атамалар қўлланилган. Бу ўринда пенсиянинг турларидан бири - ёшга доир, ногиронлик бўйича ва боқувчисини йўқотганлик учун пенсия оладиганлар пенсионер ҳисобланади.

Зарур иш стажига эга бўлмаган қариялар ва меҳнатга лаёқатсиз фуқаролар учун нафақани олувчи шахс нафақа олувчи ҳисобланади. Бундай нафақаларни олиш ёши этиб эркаклар учун - 65 ёш ва аёллар учун - 60 ёш этиб белгиланган (Низом, 7.04.2011 йилдаги 107-сон ВМҚ билан тасдиқланган).