Navigatsiya
Kutubxonaning ish tartibi:
8:00 dan 18:00 gacha
Manzil:
O‘zbekiston, Farg‘ona sh., Ma’rifat ko‘chasi 31 A

Yangiliklar

« Ортга қайтиш

#Oнлайн_ҳуқуқшунос  22.10.2020 13:26

       Савол: Хусусий тиббиёт ташкилотида тиббий ҳужжатларни (шифокорнинг кўчирмалари, хулосалари) давлат тилида юритиш мажбурийми?

       Жавоб: Жамоанинг катта қисми қайси тилга эга бўлса, ана шу тилда ҳужжатларни юрита оласиз.

       Иш юритиш, ҳисоб-китоб, статистика ва молия ҳужжатлари давлат тилида шу билан бир қаторда бошқа тилларда ҳам юритилиши мумкин. Муассасалар, ташкилотлар ва жамоат бирлашмалари муҳрлари, тамғалари, иш қоғозларининг матнлари давлат тилида бўлади ("Давлат тили ҳақида"ги Қонуннинг 10, 19-моддалари).

       Давлат соғлиқни сақлаш муассасалари иш юритиш чоғида Ўзбекистон Республикаси вазирликлари, давлат қўмиталари, идоралари, корпорациялари, концернлари, уюшмалари, компаниялари ва бошқа марказий муассасалари аппаратларида иш юритиш ва ижро назоратини ташкил этиш бўйича намунавий йўриқномага (ВМнинг 29.03.1999 йилдаги 140-сон қарорига 2-илова). Ташкилотларнинг бланкларидаги доимий реквизитлари давлат тилида ёзилади (Йўриқноманинг 6-банди).

       Шу тариқа, қонун ҳужжатлари хусусий тиббиёт ташкилотида тиббий ҳужжатларни давлат тилида юритиш мажбуриятини белгиламайди, муҳрлар, тамғалар, иш қоғозларининг матнларини акс эттириш бундан мустасно.