Савол: Ходим Ўзбекистондаги институтлардан бирига сиртқи бўлимга ўқишга кирди.
Иш жойидан бериладиган талабалик таътили учун ҳақ тўланиши лозимми?
Жавоб: Ҳа, таътил берилиши ва ҳақ тўланиши лозим. Меҳнат шартномалари бўйича ишлайдиган, таълимнинг давлат стандартларига мос келадиган Ўзбекистон олий ўқув юртларида сиртдан ўқийдиган талабаларига ("Таълим тўғрисида"ги Қонуннинг 6 ва 7-моддалари) таълим олиш даврида қуйидагилар тақдим этилади:
• иш вақти бўйича бериладиган имтиёзлар (МКнинг 255-моддаси);
• таълим олиш муносабати билан бериладиган таътиллар (МКнинг 256-моддаси);
• ўқув юрти жойлашган ерга бориш учун ҳақ тўлашдаги имтиёзлар (МКнинг 257-моддаси).