Yangiliklar

2016 йил 7 декабрь куни АКМнинг янги ва ёш ходимлари учун “Каталог, картотекалар ва электрон каталог орқали фойдаланувчиларга хизмат кўрсатиш” мавзусида амалий библиографик машғулот ўтказилди.
Машғулотда ўлкашунослик сектори мудири С. Юсупова ёш кутубхоначиларга анъанавий каталог ва картотека тузиш тартиби, қидириш тизими ҳақида маълумот берди. Ахборот-библиография бўлими мудири Д. Мамадиева электрон каталог орқали китобхонлар сўровини бажаришда мавжуд қийинчиликлар ҳақида гапириб, бу қийинчиликларни бартараф этиш йўлларини тушунтирди. Машғулотда ёш кутубхоначи ходимлар китобхон сўровларини бажариш жараёнини амалда синаб кўрдилар ва ўзларини қизиқтирган саволларга керакли маълумотларни олдилар.