Yangiliklar

Фарғона шаҳридаги 26-умумтаълим мактаби ўқувчилари билан кутубхонада ўтказилган саёҳат сермазмун ва ёрқин лаҳзаларга бой ўтди. Болажонлар кутубхона тарихи, фойдаланувчиларга яратилган шароитлар, бугунги имкониятлар, сақланаётган фонд ва фаолият кўрсатаётган хорижий тиллар клублари билан таништирилди. 
Ўғил-қизлар ўзлари ўқиган китоблари, эртак қаҳрамонлари, ёдлаган шеърларини ўқиб беришди. Ва ўқув йили якунигача бўш вақтларида ҳар бирлари энг камида 10 тадан китоб ўқишлари бўйича келишиб олинди. Албатта, энг кўп китоб ўқиган ва ўқиган китоблари ҳақида бемалол гапириб берадиган болалар совғалар билан тақдирланади. Уларга эртак китоблари совға қилинди.
Тадбир “Очиқ эшиклар ҳафталиги” доирасида бўлиб ўтди.